काठमाडौं, असार २० ।
दलीय सहमति हुन नसक्दा विषयगत समितिको उल्झनमा फसेको संघीय संसदका दुवै सदनको बैठक आज बस्दै छ । प्रतिनिधि सभा र राष्ट्रिय सभाको छुट्टा छुट्टै बैठक दिउसो १ बजेका लागि बोलाइएको छ ।
१० वटा समिति गठन गर्नु पर्ने भए पनि प्रतिनिधि सभामा आज अर्थमन्त्री युवराज खतिवडाले लेखा परिक्षण विधेयक २०७५ प्रस्तुत गर्ने कार्यसुचि छ ।
नियमावली पारित भएको झन्डै एक महिना हुन लाग्दा समेत समितिमा रहने सांसदहरुको नाम उपलब्ध नहुदा समिति गठन प्रक्रिया अघि बढ्न सकेको छैन ।
सत्तारुढ दल नेपाल कम्युनिष्ट पार्टी नेकपा र संघीय समाजवादी फोरमको नाम दिए पनि समितिमा रहने ससदस्य हरुको नाम प्रमुख प्रतिपक्षी दल नेपाली कंग्रेस र राजपाले पठाएका छैनन् ।
संसदमा सहमतिका आधारमा नेतृत्व पाउने पर्ने कंग्रेसको अडान कायमै छ । दिउसो १ बजे पछि बस्ने राष्ट्रिय सभाको बैठकमा आज पनि विनियोजन विधेयक माथि छलफल हुँदै छ ।
सञ्चार तथा सूचना प्रवृधि, स्वास्थ्य तथा जनसंख्या, कृषि, भूमि व्यवस्था तथा सहकारी, उद्योग वाणिज्य तथा आपूर्ति, कानुन न्यान तथा संसदीय मामिला, युवा तथा खेलकुद,संघीय मामिला तथा सामान्य प्रशासन, गृह र संस्कृति, पर्यटन तथा नागरिक उड्यन मन्त्रालय अन्तर्गत विनियोजित रकम माथि बैठकमा छलफल हुनेछ ।