प्रतिनिधिसभामा आजबाट बजेट आश्रित विधेयकमाथि पुनः छलफल सुरु हुँदै

प्रतिनिधिसभामा आजबाट बजेट आश्रित विधेयकमाथि पुनः छलफल सुरु हुँदै

  • सोमवार, असार १८, २०७५
  • मिर्मिरे अनलाइन

  • 7.5K
    SHARES

काठमाडौं, असार १८ ।
राष्ट्रिय चिकित्सा शिक्षा विधेयकमा सहमति हुन नसकेपछि प्रतिनिधिसभामा आजबाट बजेट आश्रित विधेयकमाथि पुनः छलफल सुरु हुने भएको छ । बैठक बिहान ११ बजेका लागि बोलाईएको छ ।

नियमावली मिच्दै सरकारले फाष्टट्रयाकबाट चिकित्सा शिक्षा विधेयक पारित गर्ने तयारी गरेपनि प्रमुख प्रतिपक्षी दल कांग्रेसको बिरोधका कारण रोकिएको थियो ।

कांग्रेस सचेतक पुष्पा भुषालले अहिलैकै अवस्थामा विधेयक अघि वढाईए आफ्नो पार्टीलाई मान्य नहुने बताउनुभयो । गत बैशाख १३ गते जारी भएको अध्यादेशको प्रतिस्थापन विधेयक पर्सिसम्ममा संसदबाट पारित भई राष्ट्रपति विद्यादेवी भण्डारीले प्रमाणिकरण गर्नुपर्नेछ ।

फाष्टट्रयाकबाट विधेयक अघि नबढाए पर्सिसम्ममा पारित नहुने भएपछि सरकारले अब नयाँ विधेयक अगाडि बढाउनु पर्ने देखिएको छ । आजको बैठकमा आर्थिक विधेयक, राष्ट्र ऋण उठाउने विधेयक र ऋण तथा जमानत बाईसौं संशोधन विधेयकमाथि छलफल सुरु हुनेछ ।

गत शुक्रवारको बैठकमा अर्थमन्त्री युवराज खतिवडाले ती विधेयक प्रस्तुत गर्नुभएको थियो । संशोधन दर्ताको ७२ घण्टे समय सकिएसँगै आज ती विधेयकमाथि छलफल हुन लागेको हो ।

संघीय संसद सचिवालयका सहप्रवक्ता केशव अर्यालकाअनुसार, सम्भवतस् ती विधेयक आजैको बैठकले पारित गर्नेछ । विनियोजन विधेयक गत शुक्रवार नै पारित भईसकेको छ ।

बजेट आश्रित थप तीन वटा विधेयक पारित भएसँगै आगामी आर्थिक वर्षको पूर्ण बजेट पारित हुनेछ । सरकारले गत जेठ १५ गते १३ खर्ब १५ अर्ब १६ करोडको बजेट सार्वजनिक गरेको थियो ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ