विराटनागर, असार १६ ।
सूचना तथा सञ्चार प्रविधि मन्त्री गोकुल बाँस्कोटाले विराटनगरमा निर्माणधीन अवस्थामा रहेको तारणि प्रसाद कोइराला संचारग्रामको निर्माणकार्य समयमै सम्पन्न गर्न निर्देशन दिनु भएको छ ।
आज विहान भवनको निरीक्षण तथा अवलोकन गर्दै मन्त्री बाँस्कोटाले यस्तो निर्देशन दिनु भएको हो । नेपाल सरकारको १८ करोड २५ लाख ५२ हजार रुपैयाँको लागतमा उक्त संचारग्राम १८ महिनाभित्र निर्माण सम्पन्न गर्नुपर्ने सम्झौता रहेको छ ।
करिब चार कट्ठा क्षेत्रफलमा निर्माणधीन सो भवन स्टिल स्टकचरमा निर्माण हुनेछ । २०७४ मंसिरबाट निर्माण शुरु गरिएको सो चार तल्ले भवन आगामी जेठसम्ममा सम्पन्न हुनेछ ।
रविना जोशी जेभीले ठेक्का लिएको भवनको कार्यान्वय गर्ने विराटनगर महानगरपालिका कार्यालय रहेको छ । भवनको २२ प्रतिशतको काम पूरा भएको र बाँकी काम पनि छिट्टै सक्ने निर्माण पक्षले जानकारी दिएको थियो ।
विराटनगर महानगरपालिकाका मेयर भीम पराजुलीले समयभित्रै भवन निर्माण सक्न महानगरपालिकाले अनुगमन गरिरहेको जानकारी दिनुभयो ।
