काठमाडौँ, ९ असार ।
नेपाल विद्युत प्राधिकरणले आज ठमेललगायत एक दर्जन स्थानमा विद्युत् आपूर्ति बन्द गरेको छ । प्राधिकरणले आज बिहान ८ बजे देखि साँझ ५ बजेसम्म विद्युत् आपूर्ति बन्द गरेको हो ।
प्राधिकरणले ११ केभी प्रसारण लाइनको मर्मतसम्भार गर्नुपर्ने भएकाले आज साझ ५ बजे सम्म बिद्युत आपुर्ती बन्द हुने प्राधिकारणका सीईयो कुलमान घिसिङले जानकारी दिनुभयो ।
प्राधिकरणको रत्नपार्क वितरण केन्द्रका अनुसार ११ केभी प्रसारण लाइनअन्तर्गत लैनचौर फिडरका लाइन मर्मतका लागि विद्युत् आपूर्ति बन्द गरिएको होे ।
त्यस फिडरबाट विद्युत् आपूर्ति भइरहेका लैनचौर दुग्ध विकास संस्थान अगाडिको गणेश मन्दिर, ठमेल जाने चोक, पुरानो नेपाली चुलो, हिटी पोखरी, जय नेपाल हल, हात्तीसार क्षेत्रमा विद्युत् आपूर्ति बन्द हुनेछ ।
यसैगरी, नक्साल नारायणचौर, प्रहरी हेडक्वार्टर, भूँडे गणेश, टंगाल स्कुल, नक्साल भगवती मन्दिर, मल्ल होटल अगाडि हुँदै अमृत साइन्स क्याम्पस आसपासका स्थानमा पनि विद्युत् आपूर्ति बन्द हुने रत्नपार्क वितरण केन्द्रले जनाएको छ ।
पर्यटकीय क्षेत्रमा विद्युत्् आपूर्ति बन्द हुँदा त्यसबाट पर्ने प्रभावप्रति प्राधिकरणले क्षमा मागेको छ ।
