१९ जेठ, काठमाडौं ।
पछिल्लो समय नेपालबाट भारत ईन्धन तस्करी हुन थालेपछि नेपाल आयल निगमले यसको नियन्त्रण गर्न गृह मन्त्रालयलाई आग्रह गरेको छ । नेपालबाट लगिने तेल भारतीय बजारमा कालोबजारी गरेर बिक्री गर्नेगरिन्छ ।
लिटरमै ३० रुपैयाँसम्म सस्तो भएपछि सीमा क्षेत्रबाट भारततर्फ तेलको तस्करी हुन थालेको हो । सीमा क्षेत्रबाट भारतीय गाडिहरु नेपाल प्रवेश गर्ने र तेल भरेर लैजाने गरेको पनि जनाईएको छ । सोहि कारण भारतीय सीमा क्षेत्रका पम्पको कारोबार ५० प्रतिशत घटेको खबर भारतीय सञ्चारमाध्यमले लेखेका छन् ।
यस्तै ड्रम र ग्यालेनमा नेपाल बाट तेल भरेर भारत पुर्याई बिक्रि गर्ने समूह नै सक्रिय भएका छन् । अहिले नेपालमा भारतको रक्सौल आसपासको बजारमाभन्दा पेट्रोल लिटरमा २५ रुपैयाँ र डिजेल २७ रुपैयाँ सस्तो छ । पूर्वी सीमा क्षेत्रमा भारत र नेपालको तेलको मूल्यअन्तर ३० रुपैयाँ पुगेको निगमका बोर्ड सदस्य अरविन्द अग्रवालले बताउनु भयो ।
नेपाल आयल निगमका कार्यकारी निर्देशक सुशिल भट्टराईले नेपालमा पछिल्लो समयमा डिजेलको माग अस्वभाविक रुपमा बढिरहेको बताउनु भयो ।
तराईका पेट्रोल पम्पहरुमा तेलको माग अप्रत्याशित दरमा बढेकाले त्यसमाथि नियन्त्रण गर्न आवश्यक देखिएको उहाँको भनाइ छ ।
‘नेपालमा आउने भारतीय सवारीलाई तेल दिनुपर्ने बाध्यता रहेको तर थेग्नै नसक्ने गरी माग बढेको उहाँको भनाई छ । अब पम्पहरुमा पहिलेको खपत दर हेरेरमात्रै तेल दिने योजना बनाएको पनि उहाँले बताउनु भयो ।फोटोः अनलाईनखबरबाट
