काठमाडौं, जेठ १६ ।
संस्कृति, पर्यटन तथा नागरिक उड्डयनमन्त्री रवीन्द्र अधिकारीले सरकारले नेपालको अर्थतन्त्रको क्षमतालाई ध्यान दिएर बजेट ल्याएकोले कार्यान्वनयमा कुनै समस्या नहुने दाबी गर्नुभएको छ ।
राजधानीमा आज आयोजित साक्षात्कार कार्यक्रममा मन्त्री आधिकारीले नीति तथा कार्यक्रममा आधारित बजेट यथार्थपरक भएको दावी गर्नुभयो ।
उहाँले बजेटले खर्च नहुने ठाउँमा रकम दिने र पछि रकमान्तर गरेर अनियमितता गर्ने प्रवृत्तिको अन्त्य गरेको पनि बताउनु भयो ।
रोजगारी सिर्जना, स्वरोजगार र भौतिक पूर्वाधारलाई प्राथमिकता दिएर ल्याइएको बजेट सबैका लागि स्वीकार्य हुने उहाँको भनाई छ ।
बजेटले आर्थिक समृद्धि र विकासको ढोका खोलेको भन्दै मन्त्री अधिकारीले ९५ प्रतिशत बजेटको कार्यान्वयन हुने ठोकुवा गर्नुभयो ।
आथिक वर्ष २०७५र७६ को बजेट कार्यान्वयन भएपछि त्यसपछिका आर्थिक वर्षमा बजेटको आकार बढाउन सकिने उहाँको तर्क छ ।
