काठमाडौ १ चैत्र ।
सरकारले आजदेखि देशैभर २० वर्ष नाघेका पुरानो सवारी साधन सन्चालनमा रोक लगाउने भएको छ । पुरान सवारी साधनका कारण वातावरण प्रदुषण बढेको भन्दै सरकारले पूर्व घोषित निति आजदेखि लागु गर्न लागेको हो ।
बीस वर्ष नाघेका सार्वजनिक यातायातका साधन सन्चालन भएको पाइएमा आजदेखि जफत गरी लिलाम गर्ने तयारी गरेको भौतिक पूर्वाधार तथा यातायात मन्त्रालयले जनाएको छ । त्यसका लागि प्रहरी प्रशासनलाई समेत निर्देशन दिइएको मन्त्रालयका प्रवक्ता राजेन्द्रराज शर्माले जानकारी दिनुभयो
फागुन मसान्तसम्म २० वर्ष पुराना सार्वजनिक सवारीको ‘इञ्जिन नम्बर’ र ‘चेसिस नम्बर’ विभागमा बुझाउन सवारी धनीलाई अनुरोध गरिएकामा थोरै सवारीले मात्र बुझाएको यातायात व्यवस्था विभागका महानिर्देशक रुपनारायण भट्टराईले बताउनुभयो ।
दुवै नम्बर बुझाउनेले कवाडीमा सवारीका पार्टपूर्जा बेच्न सक्नेछन् । विभागले काठमाडौ उत्यकाबाट भने गत वर्ष फागुनदेखि नै पुराना सवारी साधन हटाएको थियो ।
मन्त्रिपरिषद्ले २०७१ भदौ २६ गते दुई वर्ष्भित्र २० वर्ष पुराना सवारी साधन गुड्न नदिने निर्णय गरेपनि यातायात व्यवसायीले विरोध जनाएपछि निर्णय कार्यन्वयन गर्न ढिलाइ भएको हो ।
विभागले २० वर्ष पुराना ट्याक्सी र विद्युतीय सवारी साधन भने गुड्न दिइने जनाएको छ । हाल देशभर पाँच हजार पाँच सय वटा २० वर्ष पुराना सवारी साधन गुडिरहेको यातायात व्यस्था विभागको तथ्यांक छ ।
