नेपालमा राष्ट्रिय हैसियत बनाएका प्राय सबै जसो राजनीतिक दलका नेताहरुको उपचार भारत, थाईल्याण्ड, सिंगापुर, अमेरीका , जापान लगायतका मुलुकमा उपचार हुने गरेको छ । तर सर्वसाधारण साधारण झाडा पखाला र ज्वरोले मर्नु परीरहेको खबर आईरहेकै छन् ।
आजै मात्र पुर्व प्रधानमन्त्री तथा एमाले अध्यक्ष केपी शर्मा ओली थाईल्याण्ड श्वास्थ्य परीक्षणका लागि भन्दै हिडेका छन् । यही दिन आजैको साmभँ राष्ट्रिय नाचघरमा एक जना युवा टाउको निहुराएर बसिरहेका थिए । उनी हुन कुस्ती खेलाडी शिब कुवर ।
२२ वर्षको कलिलो उमेरमै उनको दुवै मृगौला फेल भए पछि उनको उपचारमा सहयोग जुटाउन राष्ट्रिय चर्चित गायकहरु गीत गाईरहेका थिए नाचघरमा । कार्यक्रममा उद्योगमन्त्री सुनील बहादुर थापा सहित विभिन्न कलाकारहरु उपस्थित थिए ।
धनकुटाका शिबका लागि उपचारको सहयोग पुर्याउन एवीसी टिभिको कार्यक्रम ईन्द्रेणी मार्फत कार्यक्रमको व्यवस्थापन गरिएको थियो ।
कार्यक्रममा अष्ट्रेलियाबाट नेपाली युवाहरुले एक लाख ५० हजार बढी,नेपाली सेनाका पुर्व हवल्दार दोलखाका नेत्र बहादुर बस्नेतले आफ्नो पेन्सनको ६ महिना बराबरको ६० हजार नगद सहयोग पुर्याएका थिए । गायक यम बराल, प्रमोद खरेल, पार्वती राई, शभ्मु राई लगायतका उपस्थित थिए । मृगौला पीडित शिबले आफूलाई अब बाचेर अझै देशका लागि केही गर्ने आशा पलाएको बताएका छन् ।
