एजेन्सी , पुस ३ ।
नोबेल शान्ति पुरस्कार विजेता आङ साङ सुचीकै संलग्नता म्यान्मारमा अल्पसंख्यक रोहिंग्या मुस्लिम समुदायमाथिे दमन भएको संयुक्त राष्ट्रसंघले आरोप लगाएको छ ।
संयुक्त राष्ट्रसंघीय मानवअधिकार निकायका प्रमुख जेड राड अल हुसेनले म्यानमार नेतृ सुचीले नै अल्पसंख्यक रोहिंग्यामाथि दमन गर्न स्वीकृति दिएको आफूलाई लागेको बताएका छन् ।
सैन्य कारबाहीमा हजारौं रोहिंग्या मुसलमान मारिएको तथा लाखौं विस्थापित गरिएकाले उक्त निर्णय उच्चस्तरमा लिइएको हुनसक्ने हुसेनको भनाइ छ ।
हिंसा फैलनु अगाबै सुचीलाई सैन्य कारबाही अन्त्य गर्न आफूले भनेको दावी उनको छ । म्यान्मारका नेताहरुले आम नरसंहारको अभियोग खेप्नसक्ने चेतावनी पनि हुसेनले दिएका छन् ।
रोहिंग्यामाथि स्तब्ध बनाउने गरी निर्मम आक्रमण गरिएको भन्दै उनले त्यसबारे अन्तर्रा्ष्ट्रियस्तरमा फौजदारी अनुसन्धान गर्न पनि आह्वान गरेका छन् । सुचीले भने यसबारे कुने प्रतिक्रिया दिएकी छैन् ।
डिसेम्बर महिनाको सुरुसम्ममा म्यान्मारको जनसंख्याको झन्डै एक तिहाइ अर्थात ६ लाख ५० हजार रोहिंग्या मुस्लिम समुदाय बंगलादेश पलायन भएका छन् । एजेन्सी
