एजेन्सी , २९ मंसिर ।
अमेरिकी अन्तरिक्ष निकाय नासाले ब्रम्हाण्डमा सूर्य जस्तै प्रकृतिको नयाँ तारा फेला परेको दाबी गरेको छ ।
केप्लर ९० नाम दिइएको सो तारालाई ८ वटा ग्रहले परिक्रमा गरिरहेको नासाले जनाएको छ । नासाका खगोलशास्त्रीहरुले पत्ता लगाएको यो तारा सौर्यमण्डलबाहिरको सबैभन्दा ठूलो भएको जनाइएको छ ।
सो तारा सूर्यभन्दा केही ठूलो र तापक्रम समेत केही बढी रहेको खगोलशास्त्रीहरुले बताएका छन् । सौर्य प्रणालीपछि सबैभन्दा बढी ग्रह रहेको यो पहिलो तारा भएको खगोलशास्त्री क्रिस्टोफर शलुले बताए ।
नासास्थित केप्लर स्पेस टेलिस्कोपबाट गरिएको अवलोकनका आधारमा यसको अवस्थितीबारे पत्ता लागेको खगोलशास्त्रीहरुको भनाई छ ।
भित्र साना ग्रह र बाहिर ठुला ग्रह रहेर परिक्रमा गर्ने यो ताराको प्रणाली सौर्यमण्डलको सानो रुपझै अवस्थामा रहेको टेक्सास विश्वविद्यालयका वैज्ञानिक एन्ड्रिउ भेन्डरबर्गलाई उद्धृत गर्दै बीबीसीले जनाएको छ ।
