एजेन्सी, मंसिर ११ ।
सिरियाका विभिन्न क्षेत्रमा भएका छुट्टाछुट्टै आक्रमणमा ७६ जनाको मृत्यु भएको छ ।
पूर्वी गाउँ अल सफाहमा रुसले गरेको हवाई आक्रमणमा परी कम्तिमा ५३ जना सर्वसाधारणको मृत्यु भएको छ ।
मृत्यु हुनेमा अधिकांश बालिबालिका रहेको मानवअधिकारवादी संघसंस्थाले जनाएका छन् ।
डेर अल जौरमा पर्ने सो गाउँलाई इस्लामिक अतिवादी समुह आईएसको अन्तिम पकड क्षेत्र मानिएको छ । आवासीय क्षेत्रमा आक्रमण भएको थियो ।
रुसले ६ वटा लामो दुरीको बम आक्रमण गरेको पुष्टी गर्दै लडाकु तथा उनीहरुको पकड क्षेत्रलाई लक्षित गरी आक्रमण गरेको दाबी गरेको छ । लामो समयदेखि गहृयुद्धको चपेटामा परेको सिरियाका राष्ट्रपति बसर अल असदलाई रुसले सहयोग गर्दै आएको छ ।
यस्तै, दमासकसनजिकै भएको सेनाको हवाई आक्रमणमा २३ जनाको मृत्यु भएको छ । पुर्वी घौटाका विभिन्न शहरहरुमा हवाई आक्रमण भएको सिरियास्थित मानवअधिकारसम्बन्धी बेलायती पर्यवेक्षक एसओएचआरले जनाएको छ ।
मृत्यु हुनेमा अधिकांश बालिबालिका रहेको एसओएचआरलाई उद्धृत गर्दै बीबीसीले उल्लेख गरेको छ ।
