काठमाडौं मंसिर ९, ।
अष्ट्रेलिया सरकारले अध्यागमन नीतिलाई कडा रुपमा परिमार्जन गरेको छ । नक्कली कागजात पेश गरी अस्थायी भिषामा पुग्ने विदेशीलाई लक्षित गर्दै अध्यागमन नीति परिमार्जन गरेको हो ।
परिमार्जित नयाँ नियममा १० बर्षसम्म अष्ट्रेलिया प्रवेशमा रोक लगाउने र भिषा रद्ध गरेर फिर्ता पठाउने सम्मका प्रावधान थपिएको छ ।
नक्कली कागजपत्र बनाएर अष्ट्रेलियाको भिषा लिएको पाइएमा सो व्यक्तिलाई १० बर्षसम्म प्रवेशमा रोक लगाइने भएको छ । जसमा भिषा आवेदन गर्दा समावेश गरिएका परिवारका सदस्यहरुलाई पनि १० बर्षसम्मै प्रवेशमा रोक लगाईनेछ ।
यही महिनाको १८ तारिखदेखि सो नियम लागु हुनेछ । यसअघि३ बर्षसम्म मात्र प्रतिबन्ध लगाइने उल्लेख थियो । यसैगरी, समाजिक सञ्जाल तथा अनलाईनहरुमा सामाजिक द्धेष फैलाउने प्रकृतिका सन्देशहरु प्रवाह गरेको पाइए त्यस्ता ब्यक्तिको पनि भिषा रद्ध गरि स्वेदश फिर्ता पठाईने भएको छ ।
यदी कसैलाई नोक्सानी पुरयाउने, धम्की दिने किसिमको सन्देश पाएको प्रमाणित भएमा अष्ट्रेलियाका अध्यागमन मन्त्रीले भिषा रद्द गर्न सक्नेछन् । सरकारी तथ्यांक अनुसार सन जुलाई २०१६ देखि अप्रिल २०१७ सम्मको ९ महिनाको अवधिमा ४७ हजार भिषालाई रद्द गरिएको छ ।
यसपहिले यि नियमहरु केही अस्थायी भिषालाई मात्र लागु हुने उल्लेख भएकोमा अहिले प्राय सबै अस्थायी भिषा आवेदक र भिषावाहकलाई लागु हुने समेत जनाइएको छ ।
