अहिले समय यस्तो आयो कि पैसा छ त सबैथोक छ, पैसा छैन त कोही केही छैन । यस्तै पीडा भयो संखुवासभा आखीभुईका जंग बहादुर राईलाई ।
उनी कार्तिक ४ गते भाईटिकाको दिन धरानबाट ईटहरी आफ्नो डेरा जादै थिए । भानुचोकमा खैनी खाने क्रममा उनले निकालेको पर्स विर्सिएर छाडेछन् । गाडी चढेर गए पछि सेउती पुल कटे पछि कन्डक्रले भाडा मागे । त्यस पछि गोजी छाम्दा उनको पर्स भेटिएन ।
करीब ८० प्रतिशत दृष्टि क्षमता नभएका जंग बहादुरले अनुनय गरे, भाई मेरो पर्स हराए छ पैसा भएन ईटहरी सम्म लगिलिनुस् न । तर ती गाडीवालाले मानेन । पैसा नभए किन गाडी चढेको भन्दै तरहरा भन्दा माथि बीच जंगलमै उनलाई ओरालिदियो ।
ईटहरी सम्म धरानबाट आउदा लाग्ने जम्मा बस भाडा ३० रुपैया मात्र हो । यति पैसा नहुदा बिहान करीब ७ बजे सडकमा छाडिएका उनी विस्तारै हिड्दै थिए ।
उनी एकबिहानै जंगलको बाटो हिडेको भेटे पछि मोटरसाईकलमा धरानबाट ईटहरी जादै गरेका नेपाल कम्युनिष्ट पार्टीका सुनसरी जिल्ला ईन्चार्ज प्रज्वल श्रेष्ठले उनलाई उद्धार गरी ईटहरी सम्म पुर्याउनुका साथै केही रकम भाडा दिएर पठाएका थिए ।
ईटहरी सम्म पुर्याएर बाटो खर्च पनि दिए पछि भावुक हुदै उनले पार्टी राम्रो रछ भनी विदा भएका थिए । जंग बहादुर करीब ५० बर्षको उमेरका रहेका छन् । र उनी आखाले साथ दिदा सम्म होटल मजदुरको रुपमा गोर्खा किचन लगायतमा काम गरीसकेका थिए । तर आखाको समस्याका कारण उनी अहिले श्रम गर्न नसक्ने अवस्थामा छन् ।
