एजेन्सी , कात्तिक ३ ।

दक्षिणी भारतको तामिलनाडू राज्यमा रहेको यातायात कार्यालय भवनको छाना खस्दा आज ८ जनाको ज्यान गएको छ ।

चेन्नईबाट करिब ३१२ किलोमीटर टाढा नागापट्टिनाममा रहेको तामिलनाडु राज्यको राज्य सरकारको यातायात निगम कार्यालय भवनको छाना खसेको जनाइएको छ ।

मृत्यु हुने सबैजना सोही कार्यालयका कर्मचारी रहेका छन् । उक्त भवनको छाना आज बिहानीपख करिब साढे तीन बजे अकस्मात् खसेको थियो । त्यस समयमा ती व्यक्तिहरु सोही कार्यालयमा सुतेका थिए ।

त्यसमा परी अरु तीनजना घाइते भएका छन् । गम्भीर घाइते उनीहरुलाई भत्किएको सो भवनको भग्नावशेषबाट उद्धार गरेर अस्पताल भर्ना गरिएको प्रहरीले जानकारी दिएको छ ।

सो भवन किन भत्कियो भन्नेबारेमा प्रहरीले अनुसन्धान थालेको छ । भारतमा यसरी भवन भत्कने घटना दोहोरिइरहेका पाइन्छन् ।

इरान युद्धकै कारण चुनावमा हार भएको ट्रम्पको स्वीकारोक्ति, फेरि पनि आक्रमण गर्ने अडान

अमेरिकी नीतिमा परिवर्तनको आशा गर्नु भ्रम हो : इरानी सर्वोच्च नेता

चीनले वित्तीय क्षेत्रमा एआईको प्रयोगबारे अध्ययन गर्ने

मिसाईल जस्तै विमान जलेर जमिनमा विष्फोट हुँदा अमेरीकामा जलेर ९ जनाको मृत्यु

इरानको चेतावनी : अमेरिकासँग फेरि युद्ध भए ट्रम्पले चाहेर पनि रोक्न सक्दैनन्

महँगी र असमानताको विरोधमा युरोप अशान्त: फ्रान्स र जर्मनीमा प्रदर्शन हिंसात्मक, ५ सयभन्दा बढी पक्राउ