एजेन्सी , ७ असोज ।
अमेरीकाको दबाबका बाबजुत इरानले मध्य दुरीको नयाँ क्षेप्यास्त्र सफलतापूर्वक परीक्षण गरेको दाबी गरेको छ ।
अमेरिकी राष्ट्रपति डोनाल्ड ट्रम्पको दबाबका बाबजुद इरानले क्षेप्यास्त्र परीक्षणको दाबी गरेको हो । परीक्षण गरिएको खोरमशार क्षेप्यास्त्रले २ हजार किलोमिटरको दुरीसम्म मार हान्न सक्ने स्थानीय संचारमाध्यमलाई उदृत गर्दै बीबीसीले उल्लेख गरेको छ ।
यद्यपी, परिक्षणको समय बारे स्पष्ट पारिएको छैन । इरानले सो क्षेप्यास्त्र सैन्य परेडका क्रममा हिजो प्रर्दशन गरेको थियो ।
यसअघि, इरानी राष्ट्रपति हसन रुहानीले आफ्नो देशको रक्षाका लागि सैन्य शक्ति वृद्धि गर्ने अभिव्यक्ति दिनुभएको थियो ।
यस्तै,संयुक्तराष्ट्रसंघको महासभामा अमेरिकी राष्ट्रपति ट्रम्पले इरानको क्षेप्यास्त्र परिक्षण र सन् २०१५ मा भएको परमाणु सम्झौताका बारेमा आलोचना गर्नुभएको थियो ।
