एजेन्सी ,भदौ २३।
युरोपियन युनियनले पनि उत्तर कोरिया माथि थप नाकाबन्दी लगाउने तयारी गरेको जनाएको छ । उत्तर कोरियाले पछिल्लो समयमा गरेको आणविक परीक्षणको विरुद्धमा इयूले हाल कायम राखेको आर्थिक लगायतको नाकाबन्दीलाई थप कडा बनाउने तयारी गरेको अन्तराष्टिय सञ्चारमाध्यमले जनाएका छन् ।
उत्तर कोरियाका बिरुद्धमा थप नाकाबन्दी लगाउने विषयमा मन्त्रिपरिषदका सदस्यहरुलाई जानकारी गराएको बताउदै इयूका कूटनीतिक विभाग प्रमुख फेडरिका मोगारिनीले अब यसले छिट्टै नै पूर्णता पाउने बताउनु भयो ।
उत्तर कोरियामाथि अन्य विभिन्न देश र संघसंस्थाले पनि थप नाकाबन्दी तथा कारबाहीको घोषणागर्ने जनाएका छन् । सो आणविक परीक्षणको विरोधगर्दै आएको इयुले पनि उसका विरुद्ध नाकाबन्दीको तयारी गरेको हो ।
संयुक्त राष्ट्रसंघको सुरक्षा परिषदले उत्तर कोरियाको यस कदमको विरोध गरेको छ । उसले अहिलेसम्मकै सबैभन्दा कडा नाकाबन्दी लगाउनुका साथै अन्तर्रा्ष्ट्रिय कानुनको उल्लङ्घन गरेको भन्दै कडा कारबाहीको पनि प्रस्ताव गरेको बताइएको छ ।
