एजेन्सी , साउन १४ ।
श्रीलंकाले दक्षिणी हम्बन्टोटा बन्दरगाहको विकासका लागि चीनसँग १ दशमलव १ बिलियन अमेरिकी डलरको सम्झौता गरेको छ ।
सम्झौताअनुसार अब चिनियाँ सरकारी कम्पनीले बन्दरगाह ९९ वर्षसम्म सन्चालन गर्न पाउनेछ भने नजिकैको १५ हजार हेक्टर जमिन औद्योगिक क्षेत्रकारुपमा प्रयोग गर्नेछ ।
हाल उक्त जमिनमा बस्दै आएका हजारौं जनतालाई श्रीलंकाली सरकारले नयाँ जमिन दिएर त्यहाँबाट बिस्थापन गर्ने पनि जनाएको छ ।
यसअघि, बिबादास्पद रहेको बन्दरगाह चिनियाँ सेनाले प्रयोग गर्नसक्ने भन्दै महिनौंदेखि विरोध हुँदै आएको थियो ।
तर, श्रीलंकाली सरकारले भने एसिया र युरोप जाने मार्गकोरुपमा व्यापारिक प्रयोजनका लागि बन्दरगाह प्रयोग गर्ने विश्वास दिलाएको थियो ।
श्रीलंकाली सरकारले सम्झौताबाट प्राप्त हुने रकम विदेशी ऋण पुनः तिर्न मद्दत पुग्नेसमेत जनाएको छ ।
सन् २००९ मा श्रीलंकाको २६ वर्षे गृहयुद्ध अन्त्यपछि त्यहाँको भौतिक संरचना निर्माणमा चीनले लाखौं डलर लगानी गरेको छ ।
