एजेन्सी , ९ साउन।
टर्की सरकारले १७ पत्रकार तथा व्यवस्थापकविरुद्ध आतंकवादलाई सहयोग गरेको आरोपमा मुद्दा दायर गरेको छ ।
इस्तानबुलस्थित एक पत्रिकामा कार्यरत उनीहरुलाई दोषी प्रमाणित भए ४३ बर्षसम्मको जेल सजाय हुनसक्ने बताइएको छ । पत्रिकाले सम्पादकीय नीतिमा परिवर्तन गरेको, हिंसा भड्काउने तथा पृथकतावादीलाई सघाउ र्पुयाउने समाचार प्रकाशन गरेको तथा आतंकवादी संस्थाका नेताहरुको अन्तरवार्ता लिएको आरोप छ ।
पत्रकार तथा पत्रिकाका व्यवस्थापकविरुद्धको मुद्दामाथिको पहिलो सुनुवाई भइरहदा इस्तानबुलस्थित अदालतबाहिर बिरोध प्रदर्शन भएको बीबीसीले उल्लेख गरेको छ । प्रदर्शनकारीले सबै पत्रकारको रिहाईको माग गरेका छन् ।
यसैबीच, टर्कीको प्रेस स्वतन्त्रतासम्बन्धी समुहले रिसेप तैयप एर्दोगान सरकारको उदयसँगै १ सय ५० वटा सञ्चार प्रकाशन बन्द भएको र १ सय ५० भन्दा बढी सञ्चारकर्मीलाई प्रशासनले नियन्त्रणमा लिएको जनाएको छ ।
पक्राउ परेका अधिकांशलाई आतंकवादसँग सम्बन्ध रहेको आरोप लगाइएको छ ।
