साउन ६ एजेन्सी । चीन र पाकिस्तानसगँ सिमानामा बढ्दो तनावका बीच भारतीय सेनासगँ पूर्ण क्षमतामा सघन युद्ध लड्नका लागि आवस्यक गोला बारुदको क्षमता १० दिनका लागि पनि नरहेको भारतको एक सरकारी प्रतिवेदनले देखाएको छ ।
सरकारी खाता र अडिटको अध्ययन गर्ने संस्था सिजेसीले संसदमा आज बुझाएको प्रतिवेदनमा भारतीय सेनाका लागि सघन युद्धको स्थितिमा १० दिनका लागि पनि पर्याप्त गोला बारुद नरहेको उल्लेख गरिएको छ ।
सन् २००९ देखि २०१३ सम्म खरीद गर्ने भनिएको युद्ध सामाग्री सन् २०१७ को जनवरी सम्म पनि पेन्डिङ रहेको देखिएको प्रतिवेदनमा औल्याईएको छ ।
सन् २०१३ सम्ममा ९ वटा आईटम खरीद गर्ने भनिएकोमा ५ वटाका लागि मात्र काम भईरहेको जनाईएको छ ।
पुराना गोलाबारुद हटाउनु पर्ने, बख्तरबन्द गाडीहरु बढाउनु पर्ने र फायर पावर बढाउनु पर्ने सुझाव पटक पटक दिईए पनि यसमा सन्तोषजनक काम हुन नसकेको उल्लेख गरिएको छ ।
चीनसगँ सम्भाव्य युद्धउन्मुख परिस्थिति बढेको र पाकिस्तानसगँ दैनिक रुपमा सिमानामा गोली हानाहान चलिरहेका बेला भारतीय सेनामा यो समस्या देखिएको हो ।
