झापा ४ साउन । नेपालमा लामो समय नाका बन्दी गरीसकेको भारतीय सत्ताले आफ्नै जनतालाई यसरी नाकाबन्दी गर्ला भनेर सोचिएको थिएन । दार्जेलिगंबाट नेपाल तर्फ आई केही खाद्य सामाग्री किनेर लाने नेपालीभाषीहरुले बताए ।
अहिले पश्चिम बंगालकी मुख्य मन्त्री ममता बनर्जीले एकातिर दिन दिनै सेना परिचालन गरेर दार्जीलिगंका जनता मारिरहेको र अर्को तर्फ ग्यास , चामल , तेल , नुन सहित को सामाग्रीमा समेत नाकाबन्दी गरेर घोर अमानवीय कार्य गरेको उनीहरुको गुनासो छ ।
मंगलबार मात्रै दार्जेलिगंमा ९ जना आन्दोलनकारी जनताको मृत्यु भएको छ । सत्ताको कठोर दमनका बीच गोर्खाल्याण्डको माग गर्दै उनीहरुले हड्ताल जारी राखेका छन् ।
यस्तो आन्दोलन र हिंशा भईरहदा पनि केन्द्र सरकारको तर्फबाट प्रधानमन्त्री मोदीले कुनै चासो नदिएको भन्दै गोर्खाल्याण्ड आन्दोलनकारीले आक्रोस व्यक्त गर्न थालेका छन् ।
