एजेन्सी ,२९ असार ।
अमेरिकाले दक्षिण कोरियासँग सन् २०१२ मा भएको खुला व्यापारिक सम्झौता पुनरावलोकन गर्ने जनाएको छ ।
राष्ट्रपति डोनाल्ड ट्रम्पले सम्झौता एकतर्फी रहेको भन्दै पुनरावलोकन आवश्यक रहेको बताउनु भयो । उत्तर अमेरिकी देशसँगको सम्झौतामा पनि सम्पादनको आवश्यक्ता रहेको ट्रम्पको भनाई छ ।
विदेशमा उत्पादन हुने सामाग्रीमा उच्च कर लगाउने रणनीति स्वरुप ट्रम्पले सम्झौता पुनरावलोकन गर्ने तयारी गर्नुभएको बीबीसीले उल्लेख गरेको छ ।
अन्तर प्रशान्त क्षेत्रको व्यापारिक सम्झौताबाट पछि हटेका ट्रम्पले मुख्य व्यापार साझेदार दक्षिण कोरियासँगको सम्झौतामा पनि फरबदल गर्न लाग्नुभएको हो ।
अमेरिकी अर्थतन्त्र कमजोर बनेको अवस्थामा सन् २०१२ मा बारक ओबामा प्रशासनले दक्षिण कोरियासँग सो सम्झौता गरेको थियो ।
सम्झौताकै कारण आर्थीक मन्दि खेपिरहेको अमेरिकाको अर्थतन्त्र उकासिएको अन्तर्रा्ष्ट्रिय सञ्चारमाध्यमले जनाएका छन् ।
