सिड्नी, असार २६ । अष्ट्रेलियामा अध्ययनरत नेपाली विद्यार्थी शुसन थापाको मंगलबार कामबाट घर फर्कने क्रममा मोटरसाइल दुर्घटनामा परि मृत्यु भएको छ । उनी चढेको मोटरसाइकललाई ट्याक्सीले ठक्कर दिएको थियो । सिड्नीस्थित मेन्लीमा भएको उक्त मोटरर्साइकल दुर्घटनामा परि थापा गम्भीर घाइते भएका थिए ।
ट्याक्सीको ठक्कर लागेर सडकमा पछारिएका थापालाई पछाडीबाट आइरहेको भ्यानले चेपेको थियो । त्यसपछि उनलाई थप उपचारका लागि नजिकैको अस्पताल पुर्याइएको थियो । थापाको सोही अस्पतालमा उपचारका क्रममा शनिबार साँझ निधन भएपनि अस्पतालले भने आइतबार साँझ मात्रै औपचारिक घोषणा गरेको गायक समिर आचार्यले जानकारी दिए ।
सन् २०१४ मा स्नातक तह अध्ययनका लागि अष्ट्रेलिया आएका थापा हाल सिक्यु विश्वविद्यालयमा स्नातक तहमा आईटी अध्ययनरत थिए । थापाको शवलाई सिड्नीस्थित कोरोनरको कार्यलमा राखिएको छ ।उनको शवलाई नेपाल पठाउन रकम संकलन गर्न सुरु गरिसकिएको छ ।
उनको शव नेपाल पठाउन निम्न नम्बरमा सम्पर्क गर्न सकिने फेसबुकमार्फत सन्तोष तिवारीले जानकारी दिएका छन् । नरेश रेग्मीः ०४१५८९०९३३, सन्तोष भण्डारी ०४२६२२६१८२ सन्तोष केसी ०४१५६९७११६ ।
