काबुल, २४ असार ।
अफगानिस्तानको विभिन्न ठाउँमा भएको सुरक्षा कारबाहीमा ७८ जना आतङ्ककारी मारिएका छन् ।
गत २४ घन्टामा भएका कारबाहीमा ७८ मारिनुको साथै अन्य ४३ जना घाइते भएका गृह मन्त्रालयद्वारा आज जारी विज्ञप्तिमा जनाईएको छ ।
“गत चौविस घण्टामा अफगानिस्तानको राष्ट्रिय सुरक्षा बलले आतङ्ककारी विरुद्धको सात ओटा सुरक्षा कारबाही चलाएको विज्ञप्तिमा लेखिएको छ । उरुज्गान, नान्गार्हार, हास्का मिना, सिन्वार, कान्दाहार र कुन्दुज बाल्ख प्रदेशमा सुरक्षा कार्वाहि भएको थियो ।
कार्वाहिका क्रममा ठूलो सङ्ख्यामा हातहतियार र विस्फोटक पदार्थ बरामद गरी नष्ट गरिएको पनि जनाईएको छ ।
तर यस कारबाहीको क्रममा सुरक्षाकर्मीतर्फ भने कुनै क्षति भएको वा नभएको बारेमा विज्ञप्तिमा केही बताईएको छैन ।
अफगानिस्तानको सुरक्षा बलले तालिवान लडाकूहरुका विरुद्धमा केही समयदेखि सुरक्षा कारबाही बढाएको छ ।
