एजेन्सी ,१९ असार ।
साउदी अरब लगायत चार देशले दुई दिनको अल्टिमेटम समय दिएपछि कतारी सरकारले जवाफ स्वरुप आफ्नो देशका नागरिकलाई देशबाट बाहिर जान प्रतिबन्ध लगाएको छ ।
खालिज टाइम्सका अनुसार इल अल फिट्त्र बिदाका लागि बाहिर जाने बासीहरुलाई समेत प्रतिबन्ध लगाइएको छ ।
आर्थिक र सामाजिक रुपमा घेराबन्दीमा परेको कतारले पछिल्लो पटक लिएको यो ठुलो निर्णय हो ।
यस प्रतिबन्धले पब्लिक क्षेत्रमा काम गर्दै आइरहेका मानिसहरुलाई भने कठिन हुने अनुमान गरिएको छ । जुन ५ देखि कतारसँग कुनै पनि खाले सम्बन्ध नराखेका साउदी अरब, युएइ, बहराइन र इजिप्टले विभिन्न पक्षबाट कुटनीतिक वार्ता भने जारी राखेका छन् ।
कुवेत इरान तथा टर्कीले कतारको मदत गर्दै आइरहेका छन् । आंतकवादलाई प्रश्रय दिएको भन्दै उनीहरुले कतारमाथि नाकाबन्दी लगाएका थिए । कतारले भने आधारहिन आरोप लगाएको बताएको थियो ।
नाकाबन्दी लगाएको दुई हप्तापछि यी चार देशहरुले १० दिनको अल्टिमेटम दिएका थिए । जुन आइतबार सकिएको थियो । आइतबार यी चारदेशबीच छलफल भएपछि कतारलाई थप दुई दिनको अल्टिमेटम दिएका हुन् । कतार सरकारले भने यसबारे आधिकारीक धारणा बाहिर ल्याएको छैन ।
