काठमाण्डौं असार १८ । धरान १५ का बीर बहादुर थापाको नाममा रहेको एक कट्ठा जमिन र त्यसमा बनेको तीन तले घर संखुवासभाका प्रदीप कुमार गौतमको नाममा आन्तरीक सहमति अनुसार २०७३ साल माघ २० गते गौतमको नाममा नामसारी भयो । थापा र गौतमबीचको सहमति अनुसार बैंकिक प्रोसेसद्धारा सो घर जग्गा बापत रिण लिएर थापालाई थप ६१ लाख दिने सहमति भएको थियो । त्यस अघि बैना बापत ४९ लाख रुपैया थापाले पाएका थिए ।
मंसीरमा दुवै पक्षबीच यो कारोबार भएको थियो । दुवै पक्षले बीर बहादुरकै नाममा धरानमै बैंकिक प्रोसेस शुरु गरेका थिए । तर पछि जब माघ २० मा घर बीर बहादुरले गौतमलाई पास गरिदिए त्यसको भोलिपल्टै बैंकले विना कुनै अनुसन्धान अध्ययन ७५ लाख रुपैया आवास कर्जा अन्तर्गत गौतमलाई दिएको देखिन्छ ।
बैंकले कुनै स्थलगत अध्ययन , मुल्याकंन विना किन एकै दिनमा ७५ लाख रुपैया दियो ? यदी सोही बैंकमा शुरु देखिकै प्रोसेस भएको भए किन यस बारेमा बीर बहादुरलाई थाहा दिईएन ?
अचम्मत के भएको देखिन्छ भने बीर बहादुरले एक करोड १० लाख मध्य ६१ लाख पाउनु पर्नेमा त्यो पनि नपाए पछि मात्रै पैसा बैंकबाट आएको थाहा पाएका थिए ।
२५४४ र २५४२ कित्ता नं रहेको सो घर जग्गालाई ईनरुवा १ का प्रितम अटलले समेत रोक्का गरेको अवस्थामा बैंकले क्रृण दिएको छ ।
यसलाई दलाल र बैंक अधिकारीको मिलेमतोमा क्रृण झिकिएको र सर्वसाधारण मर्कामा पारीएको गुनासो स्थानीयले गरेका छन् ।
त्यसै गरी ईटहरीको एक जग्गामा समेत नबील बैंकमा रोक्का गरिएको जग्गा सम्बन्धित पक्षलाई थाहौ नदिई फुक्का गरिएको बताईएको छ । यसबारे विस्तृत विवरण अर्को फलोअपमा प्रकाशित गरिने छ ।
दलाल र बैंक कर्मचारीले कमिसनको खेलमा यसरी अनुचित र नियम एवं प्रकृया विपरीत क्रृण दिने गरेको बताईन्छ ।
