काठमाडौ ,६ असार ।
मलेसियाको पिनाङगस्थित घरफिर्ति केन्द्रमा अलपत्र परेका २८ नेपाली युवा नेपाल फर्किएका छन् । हवाई टिकटको खर्च बेहोर्न नसकी अलपत्र परेका २८ नेपालीलाई क्वालालामपुरस्थित नेपाली राजदूतावासले नेपाल पठाइएको छ । नेपाली दूतावासको टोलीले एक साता अघि ती नेपालीसँग पिनाङमा भेट गरेको थियो ।
दूतावासका अनुसार क्वालालम्पुरमा अलपत्र परेका नेपालीहरुलाई घर फिर्ता पठाउने अभियान निरन्तर रहनेछ ।
दूतावासका अनुसार शङ्खलाल गोले (पर्सा), मनिराम बेङ्गासी (धनुषा), सञ्जयकुमार नेपाली (सर्लाही), सनम लिम्बू (धनकुटा), दीपेश लिम्बू र राजकुमार राई (सुनसरी), सन्तोष अधिकारी (कपिलवस्तु), मुकेशराज यादव (रौतहट), मनोजकुमार नेपाली (सिन्धुली), मनबहादुर तामाङ (काभ्रेपलान्चोक), खड्का लिम्बू (ताप्लेजुङ), निकेश कार्की (काठमाडौँ), विवश राई (खोटाङ), मीनप्रसाद डोटेल (काभ्रेपलान्चोक) र सुदीप तामाङ (चितवन) लाई नेपाल फकाईएको छ ।
यस्तै सञ्जय मल्ल र दीपेन्द्रकुमार भण्डारी (रुकुम), राजअलि शाही (बाँके) जितनारायण यादव (सिरहा), इन्द्रबहादुर सार्की (गुल्मी), सन्चबहादुर लिम्बू (ताप्लेजुङ), गर्जेन्द्र घर्ती मगर (रोल्पा), टेकबहादुर राप्चा (ओखलढुङ्गा), गुलाब चौधरी (सुनसरी), भरतबहादुर बुढा मगर (दाङ), विदुर कार्की (झापा) र सञ्जीव बैजु (मकवानपुर)लाई स्वदेश फर्काइएको दूतावासले जनाएको छ ।
