माघ ९ काठमाण्डौं । भारतले सिमा अतिक्रमण गरीरहेको विषयमा निर्माण गरिएको दशगजा फिल्म रिलिज रोक्न दुतावासका मानिसले पाच करोड रुपैया लिएर फिल्मको हार्ड कपी रिलिज नगरी बुझाउन र पाच करोड लिन दवाव दिएको निर्माता नायक नवल खड्काले बताएका छन् ।
अखिल क्रान्तिकारीले लोकमान सिंह कार्की विरुद्ध कालोमोसो दल्ने दुई युवाको अभिनन्दनमा आयोजित कार्यक्रममा खड्काले पैसा लिन नमाने पछि विभिन्न ठाउबाट ज्यानै मार्ने धम्की दिएको बताए । उनले आफ्नो परिवारलाई पनि टर्चर दिने काम गरेको बताए ।
पाच करोड मध्य ४ करोड तिमी खाउ , मोज गर , एक करोड हामी राख्छौ भनेर अफर गरे तर मैले मलाई तिमीहरुले पछि पनि मार्न सक्छौ , धम्की दियौ म बिक्दिन भनेर जवाफ दिए खड्काले भने । दशगजा फिल्म केही वर्ष अघि खड्काले निर्माण गरेका थिए , जहा सुस्ता सहितका क्षेत्रमा भारतीय सिमा अतिक्रमणको विरुद्ध जनता जागेको दृष्य राखिएको थियो ।
