काठमाडौं ,कार्तिक ११ ।
विश्व वन्यजन्तु कोष डब्लुडब्लुएफ र जुलोजिकल सोसाईटी अफ लण्डनले पछिल्लो ४६ बर्षमा विश्वभर वन्यजन्तुको संख्या ५८ प्रतिशतले घटेको जनाएको छ ।
डब्लुडब्लुएफ र सोसाईटी अफ लण्डनले गरेको संयुक्त अध्ययनअनु्सार सन् १९७० यता वन्यजन्तुको संख्या लगातार घट्दै गएको छ ।
यस्तै अवस्था रहे सन् २०२० सम्ममा हड्डी भएका जीवजन्तुको संख्या दुई तिहाईसम्म घट्न सक्ने प्रतिवेदनमा उल्लेख छ ।
मानवीय गतिविधिका कारण बन्यजन्तुको बाँस माँसिदै जानु, वन्यजन्तुको व्यापार, प्रद्षण तथा जलवायू परिवर्तनको असरका कारण ताल, पानी र थलमा बस्ने जीवको अस्तित्व नै धरापमा पर्दै गएको डब्लुडब्लुएफले जनाएको छ ।
डब्लुडब्लुएफका विज्ञान तथा नीति विभागका प्रमुख डा. माईक ब्यारेटले वन्यजन्तुको संख्या घट्दै जानुको कारण समेत स्पष्ट भएकाले त्यसको संरक्षणका लागि तत्काल कदम चाल्न आवश्यक रहेको बताउनुभयो ।
