एजेन्सी ,१० असोज ।
चीनले एक हजार प्रकाश वर्षभन्दा टाढा रहेको अन्तरिक्षबाट समेत जानकारी प्राप्त गर्ने क्षमताको रेडियो टेलिस्कोप सञ्चालनमा ल्याएको छ ।
प्रारम्भिक अवलोकन गरिसकेको सो टेलिस्कोप विश्वकै सबैभन्दा ठूलो रहेको जनाईएको छ ।
उपकरण सञ्चालनमा आएपछि लामो समयदेखि वैज्ञानिक अवलोकनका निम्ति चीनबाहिर जानुपर्ने अवस्था अन्त्य भएको टेलिस्कोप निर्माण योजनाका उप व्यवस्थापक पेङ्ग बोले बताउनुभयो ।
परीक्षणका लागि सञ्चालित सो टेलिस्कोप पूर्ण क्षमतामा सञ्चालनमा ल्याउन कम्तीमा पनि तीन वर्ष लाग्ने चिनिँया बैज्ञानिकहरुले जनाएका छन् । टेलिस्कोपले ब्रह्माण्डलाई बुझ्न र पृथ्वीबाहिर अध्ययन गर्न जाने खगोलशास्त्रीलाई मद्दत गर्ने बताइएको छ ।
पाँच सय मिटर ब्यास भएको सो टेलिस्कोपको डिश हजारौँ त्रिकोणात्मक प्यानलहरु मिलेर बनेको छ । जसले अमेरिकाको पुवेर्टो रिकोस्थित ३ सय ५ मिटर ब्यास भएको टेलिस्कोपको कीर्तिमान तोडेको छ ।
वैज्ञानिक अनुसन्धानमा चीन अमेरिकापछि दोस्रो स्थानमा पर्दछ ।
