एजेन्सी ७ असोज ।
काश्मिर विवादका कारण भारत र पाकिस्तानबीच लगातार द्धन्द्ध बढ्दै गएपछि युद्धको संकेत देखिएको छ । दुवै देशले युद्धको तयारी कै झल्को दिने गरी सैन्य गतिविध बढाएका छन् ।
पाकिस्तानी गएराति आफ्ना लडाकु विमान उडाएर युद्धपूर्वको अभ्यास र तयारी गरेको अन्तर्राष्ट्रिय सन्चार माध्यमले जनाएका छन् । पाकिस्तानी पत्रकार जियो न्युजका सम्पादक हामिर मीरका अनुसार इस्लामावादमा गएराति चार ओटा लडाकु विमान उडेका थिए ।
इस्लामावादको आकाशमा एफ १६ विमानले करिब ४–५ फन्को लगाएको जनाइएको छ । यसअघि हिजै भारतीय सेनाले काश्मिरमा हातहतियार तथा बन्दोबस्तीका सामानको तैनाथी बढाएको थियो ।
काश्मिरमा कुनैपनि स्थितिको सामना गर्न भारतीय सेनाले नियन्त्रण रेखामा युद्धका लागि २ सय ५ वटा मध्यम खालका तोप लगायतका हतियार तथा अन्य उपकरण तैनाथ गरेको बिबीसीले जनाएको छ ।
काश्मिरको स्वामित्वको विषयलाई लिएर भारत र पाकिस्तानबीच वर्षौदेखि विवाद छ । पछिल्लो समय विवाद चर्किँदा त्यहाँ कर्पm्यु लगाइएको छ ।
