युएईमा एक नेपालीको सुतेकै अवस्थामा मृत्यु भएको छ। रोजगारीको लागि कामको खोजीमा युएई आएका रुपन्देही खैरेनी-६ ढिकारका दिपेश सुनारको युएइ अाइपुगेकाे चाैथाे दिन शुक्रबार मृत्यु भएको हो।
उनी अगष्ट २३ मा युएई आएका थिए। हृदयघातका कारण सुनारकाे मृत्यु भएको उनका काका धनबहादुर सुनारले बताए।
युएइमा भिजिट भिषामा अाएर काम खाेजेर बस्ने नेपालीहरू पनि छन्। मृतक दिपेश पनि यस्तै भिजिट भिषामा चार दिन अघि नेपालबाट अाएका थिए।
‘साथीले भिजिट भिषामा बोलाएर युएई आएको थियाे’, धनबहादुरले नागरीकन्युजसँग भने, ‘दुई दिन दुबईमा साथीसँग बसेर बिहीबार अबुधाबी मलाई भेट्न आएको थियो। शुक्रबार बिहान सुतेकै अवस्थामा उसको मृत्यु भएछ।’
दिपेसको शबलाई पोष्टमार्टमपछि अबुधावी स्थित खलिफा हस्पिटलमा राखिएको छ ।
प्रदेशमा गएर पैसा कमाउला र केही गरौला भन्ने सोचले भिजिट भिषामा युएई आएका २७ बर्षीय दिपेसको घरमा आमा, एक छोरा र श्रीमती छन्।
