काठमाण्डौ , २ भदौ ।
नेपाल विद्यार्थी संघको नयाँ नेतृत्व चयनका लागि हिजो बिहानबाट सुरु भएको मतदान अझै जारी छ ।
माउ पार्टि काग्रेसको कार्यलय केन्द्रिय कार्यलय सानेपामा जारी मतदानमा हालसम्म २३ सय मतदाताले मत खसालिसकेका छन् ।
हिजो बिहान ११ बजेबाट सुरु भएको मतदान प्रक्रिया राति १ बजे बन्द गरिएको थियो । राति अबेरसम्म मतदान जारी राख्दा समेत नसकिएपछि पुन आज बिहान बाट मतदान सुरु गरिएको निर्वाचन समितिले जनाएको छ ।
अबको एक ढेड घण्टा पछि मतदान सकिने निर्वाचन समितिको आंकलन छ ।
मतदान सकिएलगत्तै मतगणना सुरु गरेने पनि नेविसंघले जनाएको छ ।
एक अध्यक्ष, ११ उपाध्यक्ष, २ महामन्त्री, १३ सहमहामन्त्री, एक कोषाध्यक्ष र १ सय १ जना सदस्य मध्ये सहमहामन्त्री सहित ६ जना भने निर्बिरोध भएका छन् ।
सहमहामन्त्रीमा परमेश्वर शाह र सदस्यतर्फ सीतारा बानु, कल्पना खड्का, सरोज खत्री, सीता गौतम, र सुमित्रा शाही निर्बिरोध निर्वा्चित भएको निर्वाचन समितिले जनाएको छ ।
अध्यक्ष सहित निर्वाचित हुने बिभिन्न पदका लागि झण्डै ७ सय जनाको उम्मेद्वारी परेको छ ।
