काठमाण्डौ ,३२ साउन ।
प्रधानमन्त्री पुष्पकमल दाहालको विशेष दूतको रुपमा उपप्रधान एवंम् गृहमन्त्री विमलेन्द्र निधि आगामी भदौ २ गते बिहिवार भारत जाने हुनुभएको छ ।
भ्रमणको बिषयमा भारतीय राजदूत रञ्जित रेसँग आज भएको छलफलका क्रममा उपप्रधानमन्त्री निधि भदौ २ गते नयाँ दिल्ली जाने टुङगो लागेको हो ।
निधिले दिल्ली बसाईका क्रममा भदौ ३ र ४ गते उच्च स्तरिय राजनीतिक भेटघाट हुने तय भएको छ ।
उपप्रधानमन्त्री निधिले भारतीय राष्ट्रपति प्रणव मुखर्जीको नेपाल भ्रमण तथा राष्ट्रपति विद्या भण्डारीको भारत भ्रमण तथा द्ध्पिक्षीय सम्वन्धमा केन्द्रित रहेर छलफल हुने जानकारी दिनुभयो ।
अघिल्लो साता मन्त्रीपरिषद्ले दुई उपप्रधानमन्त्रीलाई प्रधानमन्त्री दाहालको विशेष दूतको रुपमा दुई छिमेकी मुलुकमा पठाउने निर्णय अनुसार निधि दुई दिनपछि भारत जान लाग्नुभएको हो ।
यसैवीच, उपप्रधानमन्त्री निधिले भारत भ्रमणको बिषयमा भोलि प्रधानमन्त्री दाहाल र परराष्ट्र मन्त्रालयका उच्च अधिकारीसँग छलफल गर्नु हुने भएको छ ।
