काठमाण्डौ ,३० साउन ।
नेपाल विद्यार्थी संघका अध्यक्षका उम्मेदवार कुन्दनराज काफ्लेले देशभर नक्कली स्ववियु सिर्जना गरि ९८ क्याम्पसवाट नक्कली प्रतिनिधि राखि निर्वाचन प्रक्रिया भाडेको आरोप लगाउनु भएको छ ।
आज विज्ञप्ती निकालेर उहाले विधिवत महाधिवेशनका पक्षमा आएको लहर र समर्थनवाट अत्तालिएर नेविसंघ नेतृत्व र त्यसलाई पक्षपोषण गर्ने पार्टी नेतृत्वले नै षडयन्त्र रचेको आरोप लगाउनु भएको हो ।
उहाले महाधिवेशन प्रतिनिधिहरूको नामावली सार्वजनिक भइसकेपश्चात पनि वन्दसत्र लगायत, निर्वाचनका अन्य प्रक्रिया सुचारु हुन नसकेको प्रति गम्भिर ध्यानाकर्षण भएको जनाउनुभएको छ ।
देशभर नक्कली स्ववियु सिर्जना गरि ९८ क्याम्पसवाट नक्कली प्रतिनिधि राखि पार्टीलाई बुझाएको र त्यस्तो नक्कली प्रतिनिधिको सुचिलाई पार्टीका तत्कालिन महामन्त्री प्रकाशमान सिंह नेतृत्वको निर्देशन समितिले समेत सदर गरि अवैधानिकतालाई ’लाहछाप’ लगाउने काम गरिएको विज्ञप्तीमा उल्लेख छ ।
[gview file=”https://www.mirmireonline.com/wp-content/uploads/2016/08/Press-Release-Kundan_saun-30.docx” height=”400px” width=”700px” save=”1″]
