काठमाण्डौ ,३० साउन ।
प्रधानमन्त्री पुष्पकमल दाहालले माओवादी केन्दबाट ५ मन्त्री र ४ राज्यमन्त्री सहित आज मन्त्रिपरिषद् बिस्तार गर्नुभएको छ ।
प्रधानमन्त्री दाहालले आफनो दल माओवादी केन्द्रको भागमा परेका मध्ये बाँकी ५ जना मन्त्री र ४ जना राज्यमन्त्री नियुक्त गर्नुभएको हो ।
नवनियुक्त मन्त्रीमा जनार्दन शर्मा, हितराज पाण्डे, सुरेन्द्र कार्की, धनिराम पौडेल र अजय संकर नायक रहनुभएको छ ।
शर्मालाइ उर्जा, पाण्डेलाइ संघीय मामिला तथा स्थानीय विकास, कार्कीलाइ सुचना तथा संचार, पौडेललाई शिक्षा र नायकलाई कानुन मन्त्रालयको जिम्मेवारी दिइएको छ । यसअघि कानुनमन्त्रीमा प्रभु शाहलाई प्रस्ताव गरिएपनि अश्विकार गरेपछि नायकालाई जिम्मेवारी दिइएको हो ।
प्रधानमन्त्री दाहालले आजै ४ जना राज्यमन्त्री नियुक्त गर्नुभएको छ । श्रीप्रसाद जवेगुलाइ स्थानीय विकास, सत्यनारायण भगत उर्जा, राधिका तामाङ कृषि र धनमाया विकलाई विना विभागीय राज्यमन्त्री बनाइएको हो ।
नवनियुक्त ५ जना मन्त्रिहरुलाई आजै राष्ट्रिपति भवन सितल निवासमा राष्ट्रपति विद्या देबि भण्डारीले पद तथा गोपनियताको सपथ ग्रहण गराउनुभयो ।
यस्तै राज्यमन्त्रिहरुलाई प्रधानमन्त्रि पुष्पकमल दाहालले सिंहदरबारमा सपथ ग्रहण गराउनुभएको छ ।
यसैबीच सरकारमा पठाउने मन्त्रीहरुको विषयलाई लिएर माओवादी केन्द्रभित्र विवाद देखिएको छ ।
राज्यका हरेक निकायमा समावेशी प्रतिनिधित्व हुनुपर्नेमा महिलालाई क्याबिनेट मन्त्री नबनाइएको भन्दै माओवादीकै महिला सांसदहरुले आइतबार सिंहदरबारमा छुट्टै भेलाको आयोजना गरेका छन् ।
माओवादी महिला सांसदहरुले क्याबिनेट मन्त्री नपाएसम्म राज्यमन्त्रीको सपथ नखान प्रस्तावित राज्यमन्त्रीलाई आग्रहसमेत गरेका छन् ।
महिलालाई राज्यमन्त्री मात्रै बनाउने निर्णयबारे आफूहरुले प्रधानमन्त्रीलाई भेट गर्न खोज्दा पनि समय नपाएको एक माओवादी सांसदले बताएक छन् ।
माओवादीका करिब एक दर्जन महिला सांसदहरु सपथ ग्रहण समारोहमा शीतलनिवास नगई सिंहदरबारमै बसेका थिए ।
असन्तुष्ट महिला सांसदहरुको भेलामा पूर्वमन्त्रीहरु रेखा शर्मा, अग्नि सापकोटा, शक्तिबहादुर बस्नेत र गणेशमान पुनसमेत सहभागीता थियो ।
