काठमाडौ, ३० साउन ।
व्यवस्थापिका संसदको बैठक आज बस्दैछ । केहिबेरपछि नयाँ बानेश्वरस्थित संसद भवनमा बस्ने बैठकमा राप्रपा र नेकपा संयुक्तबाट मन्त्री थप्दै मन्त्रीमण्डल विस्तारको जानकारी बाहेक अन्य एजेन्ड तय नभएको संसद सचिवालयले जनाएको छ ।
मन्त्रीमण्डल विस्तारमा भएको ढिलाईका कारण सरकारले पूर्णता पाउन नसक्दा संसद बैठक पनि प्रभावित हुदै आएको छ । सम्बन्धीत मन्त्री चयन हुन नसक्दा संसदमा दर्ता भएको सार्वजनिक महत्वको विषयमाथिको छलफल पनि अघि बढ्न सकेको छैन ।
अख्तियार प्रमुख लोकमान सिंह कार्कीलाई महाभियोग लगाउने सम्बन्धमा छलफल गर्न भन्दै संसदमा पेश भएको प्रस्तावमाथिको छलफल पनि अन्योलमा परेको छ ।
यस्तै सरकार परिवर्तनको चलखेलसँगै तत्कालिन समयमा बहुमतले अस्वीकृत गरेको चालु आर्थिक वर्षको बजेट सम्बन्धीको विधेयक पुनः संसदमा प्रस्तुत गर्नेबारे कुनै निर्णय हुन सकेको छैन ।
