काठमाडौं, साउन २७ ।
प्रधानमन्त्री पुष्पकमल दाहालले सार्वजनिक निकायका पदाधिकारी र कर्मचारीहरुलाई आजैदेखि सुशासनतिर कदम चाल्न आग्रह गर्नुभएको छ ।
राष्ट्रिय सतर्कता केन्द्रको १४औं वार्षिकोत्सवको अवसरमा आज राजधानीमा आयोजित कार्यक्रममा बोल्दै सार्वजनिक निकायहरुबाट नागरिकलाई प्रदान गरिने सेवा इमान्दार र उत्तरदायित्वपूर्ण हुनुपर्ने बताउनु भएको छ ।
कार्यक्रममा नेपाल सरकारका मुख्यसचिव डा. सोमलाल सुवेदीले सतर्कता केन्द्रसँग स्रोत–साधन र दक्ष जनशक्तिको अभाव रहेको भन्दै केन्द्रलाई सशक्त र प्रभावकारी बनाउनुपर्नेमा जोड दिनुभयो ।
कार्यक्रममा सतर्कता केन्द्रको वार्षिक प्रतिवेदन प्रधानमन्त्री दाहाललाई हस्तान्तरण गरिएको थियो ।
प्रतिवेदनमा राष्ट्रियगौरव र अन्य आयोजना गरी २१ ओटा, अरु निकायबाट अख्तियारी प्राप्त भएका १६ ओटा आयोजनाहरुको प्राविधिक परीक्षण सम्पन्न भएको उल्लेख छ ।
त्यस्तै, उजुरी व्यवस्थापनतर्फ चालु आर्थिक वर्षमा ७७२ ओटा उजुरीहरु फछ्र्यौट गरिएको र गत आर्थिक वर्षबाट जिम्मेवारी सरिआएका ५३६ गरी एक हजार तीन सय आठ उजुरी रहेकोमा ६ सय ८६ ओटा उजुरीहरु फछ्र्यौट गरिएको उल्लेख छ ।
