चितवन ,साउन २७ ।
औषधी व्यवस्था विभागले मनपरी गरेको भन्दै विप्लव नेतृत्वको नेकपा माओवादी निकट अखिल नेपाल जनस्वास्थ्यकर्मी महासंघ लुम्बिनी व्यूरोले आपत्ति जनाएको छ ।
आज विज्ञप्ती निकालेर व्यूरो संयोजक शिला गैरेले देशका औषधी व्यवसायीभित्रका दलाल ठेकेदारहरुको मिलेमतोमा सम्पूर्ण जनस्वास्थयकर्मीमाथी आघात पुर्याएको भन्दै आप्पती जनाउनु भएको छ ।
स्वास्थ्य जस्तो संवदेनशील क्षेत्रमा सरकारले वेस्ता गरेका कारण माफियाको चलखेलमा समस्या भएको भन्दै जनतामा पनि ठूलो असर पर्न गएको तर्फ आफुहरुको ध्यानाकर्षण भएको विज्ञप्तीमा उल्लेख छ ।
जनस्वास्थ्यकर्मी महासंघले पटकपटक अपिल गर्दासमेत वेवास्ता भएको भन्दै यस्तो अमानवीय व्यवहार राज्यबाट तुरुन्त रोक्न र जनस्वास्थकर्मीहरुलाई यथाशिघ्र व्यवस्थित गरियोस भन्दै विज्ञप्तीलाई वेवास्ता गरिएमा कडा संघर्षमा जाने चेतावनी समेत दिएको छ ।
