क्रान्तिकारी पत्रकार महासंघको अध्यक्षमा इन्द्र राउत चयन हुनुभएको छ । काठमाण्डौंमा भएको क्रान्तिकारी पत्रकार महासंघको भेलाले राउतको नेतृत्वमा ५० सदस्यीय नयाँ कार्य समिति गठन गरेको छ ।

त्यस्तै महासंघको उपाध्यक्षमा नारायण पंगेनी, महासचिवमा केशरमणी कटुवाल, सचिवमा रामकुमार श्रेष्ठ र कोषाअध्यक्षमा अनिरमैया रञ्जितकार चयन भएका छन ।

सम्मेलनबाट तीनवटा समितिहरु गठन गरिएको महासंघले जनाएको छ । जस अन्तर्गत् अनुशासन समिति संयोजक कुमार शाह, प्रशिक्षण समिति संयोजकमा टेकबहादुर मास्के, लेखा समित संयोजकको रूपमा जयन्ती लुईटेललाई जिम्मेवारी तोकिएको महासंघले जनाएको छ।