एजेन्सी १५ साउन ।
टर्कीका राष्ट्रपति रिसेप तैयप एर्दोगानले आफ्नो अपमान गरेको विषयसँग सम्बन्धित दुई हजार मुद्दा फिर्ता लिने घोषणा गर्नु भएको छ ।
असफल कु प्रयासका क्रममा मारिएकाहरुको सम्झनामा राजधानी अंकारामा आयोजना गरिएको कार्यक्रमलाई सम्बोधन गर्दै उहाँले राजनीतिक सदभाव स्वरुप यो मुद्दा फिर्ता लिएको घोषणा गर्नु भएको हो ।
पछिल्ला दुई वर्षमा टर्कीमा राष्ट्रपतिको अवहेलना गरेको नाममा दुई हजार मुद्दा दायर गरिएको थियो । कार्यक्रममा एर्दोगानले अमेरिका र यूरोपीयन सरकारविरुद्ध पनि कडा प्रतिक्रिया दिनु भएको छ ।
टर्कीको लोकतन्त्रको सट्टा सत्ता कब्जा गर्नेप्रति चिन्ता व्यक्त गर्नेहरु कहिल्यै टर्कीको मित्र हुन नसक्ने उहाँको भनाई थियो ।
राष्ट्रपति अदोगानले सत्ता कब्जाको षडयन्त्रमा एक अमेरिकी कमाण्डरको सहयोग रहेकमे आरोप समेत लगाउनु भएको छ । अमेरिकाले भने यस आरोपको खण्डन गरेको छ ।
