एजेन्सी साउन १४।
इन्डोनेसियामा लागू औषध तस्करीमा संलग्न रहेको भन्दै चार जनालाई मृत्युदण्ड दिइएको छ ।
मृत्युदण्ड पाउनेमा एक इन्डोनेसियाली र तीन जना नाइजेरियाली रहेको अन्तराष्ट्रिय सञ्चारमाध्यमहरुले जनाएका छन् ।
लागू औषध तस्करीकै आरोपमा अन्य १० जना जेल मै छन् । उनीहरुलाई पनि मृत्युदण्डको सजाय दिने वा नदिनेबारे भने बारे केही नखुलाइएको विविसीले जनाएको छ । उनीहरु इन्डोनेशिया, जिम्बाबे,नाईजेरिया,भारत र पाकिस्तानका नागरिकहहरु रहेका छन् ।
यसैबीच मानवअधिकारवादी संस्था एमनेस्टि इन्टरनेसनलले इन्डोनेसियाले स्थानीय र अन्तराष्ट्रिय कानुनको उल्लंघन गरेको ठहर गरेको छ ।
ईन्डोनेशियाका सह महान्यायाधीवक्ता नुर रासम्याडले मृत्युदण्डको घटना सुखद नभएपनि कानुन कार्यान्वयनका लागि त्यो आवश्यक भएको प्रतिक्रिया दिनुभएको छ ।
उहाँले लागूपदार्थ सम्बन्धि अपराध अन्त्यका लागि मात्रै दोषीलाई मृत्युदण्ड दिईएको भन्दै बाँकी दोषीको सजायँ पनि चरणबद्ध रुपमा कार्यान्वयन गरिने बताउनु भयो ।
