एजेन्सी ,१२ साउन ।
अमेरिकाको डेमोक्रेटिक पार्टीले आसन्न राष्ट्रिपतिय निर्वाचनमा आफ्नो पार्टीको तर्फबाट हिलारी क्लिन्टनलाई उम्मेद्वार घोषणा गरेको छ ।
डेमोक्रेटिकको फिलाडेल्फियामा सम्पन्न राष्ट्रिय सम्मेलनमा क्लिन्टनले २३ सय ८२ जना प्रतिनिधिको समर्थन पाएपछि राष्ट्रिय सम्मेलनले क्लिन्टनलाई औपचारिक रुपमा उम्मेद्वारको रुपमा अघि सारिएको हो ।
अमेरिकी इतिहासमा मुख्य राजनीतिक दलका तर्फबाट राष्ट्रपति चुनावका लागि महिला उम्मेदवार घोषणा गरिएको यो पहिलो पटक हो ।
अगामी नोभेम्बरमा हुने राष्ट्रपति निर्वाचनमा हिलारीको बिपक्षमा रिपब्लिकन पार्टीका डोनाल्ड ट्रम्पको उम्मेद्वारी यसअघि नै घोषणा भईसकेको छ ।
राष्ट्रिय सम्मेलनको पहिलो दिन पार्टीका समकक्षी वर्नी सेन्र्डस्का समर्थकले हिलारीको उम्मेद्वारीको बिरोध गरेपनि शीर्ष नेताको पहलमा बिरोध शाम्य भएको थियो ।
यसअघि डेमोक्रेटिक पार्टीबाट राष्ट्रपति पदकालागि क्लिनटनका प्रतिद्धन्दी सेन्र्डस्ले समेत पछिल्लो समय उनलाई समर्थन गरेपछि क्लिनटनको उम्मेदवारीमा सर्वसम्मत जुटेको हो ।
