एजेन्सी,असार २६। भारत प्रशासित कास्मीरमा भएको हिशामा परी मृत्यु हुनेको संख्या २१ पुगेको छ । अन्य कैयौ घाईते छन् ।
कास्मीरका मुख्य मन्त्री महबुबा मुस्ताफीले प्रहरीले आवस्यकता भन्दा धेरै बल प्रयोग गरेको स्वीकारेका छन् । तर प्रहरीले प्रदर्शनकारी उग्र भएकाले बल प्रयोग भएको जिकिर गरेको छ ।
पाकिस्तान सरकारले समेत कास्मीरका मुसलमान समुदाय प्रति दमन भएकोमा निन्दा गरेको छ ।
प्रहरी कारवाहीमा अतिवादी संगठन हिज्बुल मुजाहिदीनका कमाण्डर बुरहान वानी मारिएपछि भएको प्रदर्शन हिंसात्मक बन्दा यो झडप भएको हो ।
प्रदर्शन व्यापक हुनसक्ने आशंकामा अधिकारीहरुले इन्टरनेट र फोन सेवामा अस्थायी रुपमा रोक लगाएको छ भने अरु राज्यबाट आउने जाने रेल सेवा पनि रोकिएको छ ।
संवेदनशील क्षेत्रमा कफ्र्यू आदेश जारी गर्नुका साथै पृथकतावादी नेताको घरको घेराबन्दी गरिएको छ । वानीको गृह नगरमा भने भारत विरोधी नारा लगाइएको छ ।
