एजेन्सी ,१९ असार ।
इराकको राजधानी बगदादमा आज भएको कार बम आक्रमणमा कम्तिमा पनि ७९ जनाको मृत्यु भएको छ । घटनामा १३३ जना घाईते भएका छन् ।
बगदादको ब्यस्त इलाकामा रहेको सपिङ सेन्टरमा भएको यो भयानक आक्रमण रमदानको ब्रत सकेर सडकमा निस्केको समयमा भएको हो । एउटै कार बम आक्रमणबाट यति धेरै संख्यामा सर्वसाधरणहरु मारिएको यो वर्षको ठूलो घटना हो ।
सयौं मानिसहरु रमदानको बिदाको समयमा किनमेल गर्नका लागि इराकको कर्रादा स्थित ब्यस्त सपिकङ केन्द्रमा निस्केको बेला यो ठूलो आक्रमण भएको हो ।
यो आक्रमणको जिम्मेवारी इस्लामिक स्टेटले लिएपनि आधिकारिक रुपमा पुष्टि हुन नसकेको अन्तरर्माष्ट्रिय सञ्चार माध्यामले जनाएका छन् । बम आक्रमणपछि घटनास्थलमा लाशको चाङ लागेको छ भने सपिङ सेन्टर पनि छियाछिया भएको छ ।
यस्तै आजै बगदादको पूर्वी क्षेत्रमा भएको अर्को बम विस्फोटनमा परेर १६ जना मानिस मारिएका छन् ।
बगदादबाट ४० माइल पश्चिमको फल्लुजाह सहरलाई इराकी फौजले आफ्नो कब्जामा लिएपछि यो आक्रमण भएको हो ।
