काठमाण्डौ , १६ असार ।
काठमाडौस्थित मकालु एड्भेन्चर कम्पनीबाट पर्वतारोहण गरेका भारतीय एक दम्पतिमाथि प्रहरीले अनुसन्धान सुरु गरेको छ ।
भारतीय प्रहरीमा कार्यरत दिनेश राठोर र उनकी पत्नी तारर्केश्वरीले सगरमाथा आरोहण गरेको दाबी झुठो भएको भन्दै उनीहरुप्रति प्रहरीले छानबिन सुरु गरेको हो ।
सगरमाथाको सफल आरोण गरेको दावी झुटो भएको आशंकामा त्यहाँको प्रहरीले अनुसन्धान थालेको भारतीय सन्चारमाध्यमले जनाएको छ ।
राठोर दम्पतिले गत जुलाई ५ मा पत्रकार सम्मेलन गरी मे २३ तारिखमा भारतकै प्रथम दम्पतीको रुपमा आफूहरुले सगरमाथाको सफल आरोहण गरेको दावी गरेका थिए । उनीहरुसंग नेपाल पर्यटन बोर्डले दिने पर्वतारोही प्रमाणपत्र समेत रहेको बताईएको छ ।
तर एक भारतीय पर्वतारोहीले सर्वोच्च शिखर आरोहणको क्रममा उनीहरुले आफ्नो फोटो चोरेको दावी गर्दै पुने प्रहरीमा उजुरी दिएपछि विवाद बढेको हो ।
उनीहरुले आरोहणका क्रममा सगरमाथामा खिचेको भनिएको दुई वटा फोटोमा दुई फरक पहिरन लगाएको र पञ्जा समेत फरक रंगको लगाएको भन्दै उनीहरुको पर्वतारोहण बारे छानविन हुनुपर्ने ती पर्वतारोहीले माग गरेका थिए ।
