एजेन्सी ,११ असार ।
युरोपियन युनियन इयुका नेताले इयुबाट अलगिन समय लगाए त्यसले अस्थिरता बढाउने भन्दै बेलायतलाई जति सक्दो चाँडो इयु छोड्न आग्रह गरेका छन् ।
जनमत संग्रहमा इयु छोड्ने पक्षमा परिणाम आएसँगै इयुका नेताले क्षेत्रीय आर्थिक तथा अरु कुरामा असर परेको भन्दै चाँडो भन्दा चाँडो इयु छाड्न बेलायतसँग आग्रह गरेका हुन् ।
बिहीबार भएको जनमत संहग्रको नतिजा अनुसार इयु छाड्नु पर्ने पक्षमा ५१ दशमलव ९ तथा इयुमा रहने पक्षमा ४८ दशमलव १ प्रतिशत मत खसेको थियो ।
युरोयिन परिषद, संसद तथा आयोग सबैले बेलयतले छिट्टै इयु छाड्ने प्रक्रिया सुरु गर्नु पर्नेमा जोड दिएको बिबिसीले उल्लेख गरेको छ ।छन् । युरोपियन कमिसनका प्रमुख जेन क्लाउडी जन्करले बेलायत बिना बाँकी २७ देशले इयु चलाउने बताउनुभएको छ ।
बेलायत इयुबाट बाहिरिने भएपछि विश्व सेयर बजारमा यसको नकारात्मक प्रभाव परेको छ । विश्वका धेरै स्टक मार्केटको कारोबार घटेकाले थप अस्थिरता आउन नदिनका लागि चाँडो भन्दा चाँडो बेलायतले इयु छोड्नु पर्ने इयु कमिसन प्रमुख जन्करले बताउनुभयो ।
इयुका २७ देशका नेता बिच बेलायतले बाहिरिने पक्षमा गरेको मतदान पछिको अवस्थाका बारेमा छलफल गर्न बुधबार बैठक बस्दैछन् ।
इयुमा रहने पक्षमा रहनु भएका बेलयती प्रधानमन्त्री डेविड क्यामरुनले आउँदो अक्टोबरमा पद छोड्ने घोषणा पनि गर्नुभएको छ ।
