एजेन्सी जेठ ३२।
राष्ट्रपति पदका रिपब्लिकन पार्टीका उम्मेदवार डोनल्डे ट्रम्पले अमेरिकामा मुसलमानको प्रवेशमा अस्थाई रोक लगाउनुपर्नेमा जोड दिनु भएको छ ।
अमेरिकाको आरल्याण्डो नाइट क्लवमा भएको आक्रमणपछि मुसलमान प्रवेशमा अस्थाई रोक लगाउनु पर्ने दोहोर्याउनु भएको हो ।
ट्रम्पले न्युहैम्प शायरमा अमेरिकी आप्रवासन प्रणाली बेकार रहेको बताउनु भएको छ । यसैका कारण आरल्याण्डोमा आक्रमण गर्ने व्यक्तिको परिवार अफगानिस्तानबाट अमेरिका प्रवेश गर्न सकेको दावी समेत उहाँले गर्नू भयो ।
आरल्याण्डोमा आक्रमण गर्ने बन्दुकधारीका बारेमा मुस्लिम समुदायलाई जानकारी रहेको भन्दै उहाँले उक्त जानकारी प्रहरीलाई नदिएको दावी गर्नु भयो ।
उहाँले यदि आफू राष्ट्रपति बने यो समस्या समाधान गर्ने दावीसमेत गरे । वर्तमान अवस्थाको आलोचना गर्दै उहाँले अमेरिकामा अरु सम्भावित हत्याराहरुलाई आउन दिइरहेको समेत उल्लेख गर्नु भयो ।
