एजेन्सी ,२३ जेठ ।
इरानको सिराजमा महिलालाई बलात्कार गरेको आरोपमा दुईजनालाई आज फाँसीको सजाय दिइएको छ ।
दर्जनौ महिलालाई बलात्कार गरेको आरोपमा आमिन दि नाम गरेका ब्यत्तिलाई आज फाँसीको सजाय दिएको हो ।आमिन सन् २०१५ मा पक्राउ परेका थिए ।
प्रहरीले आमिनको जस्तै थर भएका १५ हजार व्यक्तिमाथि गरेको अनुसन्धानपछि उनी पक्राउ परेका थिए । प्रहरीको डिएनए जाँचबाट आमिन पक्राउ परेका थिए ।
प्रहरीका अनुसार आमिन दुई बर्ष अगाडी एक पटक मोबाइल चोरीको आरोपमा पनि पक्राउ परेका थिए । आमिन दिसँगै अर्का एक व्यक्तिलाई पनि बलात्कार कै आरोपमा फाँसीको सजाय दिइएको बताइएको छ ।
मानव अधिकारवादी संस्था एम्नेस्टि इन्टरनेशनलका अनुसार इरानले सन् २०१५ मा कम्तीमा ९७७ व्यक्तिलाई फाँसीको सजाय दिएको थियो ।
फाँसी दिइएका ती व्यक्तिहरुमा प्रायः लागू औषध ओसारपसारमा लागेकाहरु व्यक्तिहरु रहेका जनाइएको छ ।
