एजेन्सी २३ जेठ ।
अफ्रिकी मुलुक नाइजरमा बिद्रोही संगठन बोको हरामको आक्रमणबाट ३२ जना सुरक्षाकर्मी मृत्यु भएको छ । मारिनेमा दुई जना नाइजेरियाका सुरक्षाकर्मी रहेको जनाएको छ ।
बोको हरामले नाइजेरियासँग सीमा जोडिएको नाइजरको दक्षिणपूर्वी बजार बोस्सोमा आक्रमण गरेको अन्तर्राष्टिय सन्चारमाध्यमले जनाएका छन् ।
गत वर्षको अप्रिलमा ७४ जनाको ज्यान जाने गरि भएको आक्रमण पछिको यो नाइजरमा भएको सबै भन्दा ठूलो आक्रमण हो ।
बोस्सो बजारबाट बोको हरामका लडाकुलाई हटाउन स्थल तथा हवाई सेना प्रयोग गरिएको र अहिले अवस्था नियन्त्रणमा रहेको नाइजरको रक्षा मन्त्रालयलाई उद्धृत गर्दै समाचार संस्था रोयटर्सले जनाएको छ ।
आर्मीको पोस्टलाई लक्षित गरि भएको उक्त आक्रमणमा अन्य १५ जना घाइते भएका छन् । घाइते हुनेमा नाइजेरियाका ८ तथा नाइजरका सात जना छन् ।
बोको हरामले भने ३५ जना सुरक्षाकर्मी मारिएको तथा ७० जना घाइते भएको दाबी गरेको छ । बोस्सो बजारमा बोको हरामको हिंसाका कारण विस्थापित भएका आन्तरिक शरणार्थीको बसोबास रहेको छ ।
