काठमाडौ १४ जेठ ।  

अमेरिकी राष्ट्रपतिको उमेदवारीका लागि रिपब्लिकन पार्टीका डोनाल्ड ट्रम्पले आवश्यक प्रतिनिधिको समर्थन जुटाएका छन् ।

भावी राष्ट्रपतिका लागि ट्रम्पले १ हजार २ सय ३८ प्रतिनिधिको समर्थन जुटाएको अन्तर्राष्ट्रिय सन्चारमाध्यमले जनाएका छन् ।

यो संख्या नामांकनका लागि आवश्यक संख्याभन्दा एक प्रतिनिधि बढी हो । आगामी जुलाईमा हुने रिपब्लिकन पार्टीको सम्मेलनले उनको उम्मेदवारी बारे टुङ्गो लगाउनेछ ।

सार्वजनिक पदको कुनै अनुभव नभएका ट्रम्पले अन्य १६ जना दाबेदारलाई पछाडि पार्दै उम्मेदवारीका लागि आवश्यक समर्थन जुटाएका हुन् ।

विवादास्पद अभिव्यक्तिका कारण चर्चामा रहेको ट्रम्पले आफ्नो पार्टीबाट उम्मेदवारी पाए डेमोक्रेटिक पार्टीकी नेतृ हिलारी क्लिन्टन या बर्नी सैंडर्समध्ये एक जनासँग राष्ट्रपतिका लागि प्रतिस्पर्धा गर्नेछन् ।

उत्तरी सागरमा कार्बन भण्डारण सुरु

उच्च मुद्रास्फीतिको सामना गर्न जापानमा ब्याजदर ३१ वर्ष यताको उच्च बिन्दुमा

ट्रम्प प्योङयाङसँग वार्ताको पक्षमा

रुसी संसदीय निर्वाचनका लागि मतदान सुरु

राष्ट्रसङ्घ महासभामा सहभागी हुन इरानी राष्ट्रपति र विदेशमन्त्रीलाई अमेरिकाको भिसा

हुथी आक्रमणपछि यमनमा एक लाख २५ हजारभन्दा बढी विस्थापित